ChickenTailBun 雞尾包

其實以上各樣大部分都係我日常生活用品，真正產婦需要用的東西係以下呢幾樣嘢。包括：

1. 產婦衛生巾(有扣) 至少要帶兩包，一包必須有扣，因為喺產房可能已經唔著內褲，方便助產士、醫生、護士隨時檢查進度

2. 床墊 - 至少十片，要黎墊住羊水、血等等

3. 網褲 - 產前產後要黎HOLD住條M巾，至少有四條，因為除左惡露之外，可能會尿失禁，備多幾條穩陣啲。千祈不要在醫院洗網褲，好缺德和樣衰

4. 沖洗瓶- 姑娘見到會話用呢個唔足夠沖洗惡露，佢會要求、提議你開花灑沖洗陰部，不過下下淋濕個身都幾煩，同埋會好累，好想去完洗手間就再訓過，所以帶個沖洗瓶沖下都好。

介紹返：呢個係我精心挑選o既沖洗瓶，通常大家會買果款類似甜醬樽果個牌子x 儷，但係我幻想不到點樣可以由下而上咁噴個傷口。而我揀嘅呢款原本係用黎淋花，用呢個返而可以由下而上咁沖洗。價值$12

 第二樣係床墊，喺教協買，十片都係$26.5，非常經濟。

第三樣就係網褲，呢個擺明玩嘢，我上網買的，$4一件，但係佢造工真係非常粗糙，我以為賣家寄左塊破布比我，試穿過，我對肥肶位置橡筋位都幾緊，但係因為緊，佢應該可以碼住條衛生巾唔好走黎走去。另外，我後來再買多左一PACK OIO的網褲，因為突然覺得如果三日兩夜的日子整污糟左網褲，冇理由喺病房洗血褲咁肉酸，更加唔可以指望老公會咁叻走去幫你買幾條網褲反黎。希望留醫院果三日兩夜黎招呼護士的要求。

另外仲有最重要的產婦衛生巾就無需要Show 出來，因為超市只有一個品牌高潔x $24.9一包，人人都知的了。

我咁買法都用左約$100，實際唔算平好多，只係可以揀到自己用開衛生巾果個牌子，同埋自己選沖洗瓶。

仲有其他產婦需要用的東西仲有：

廚房紙巾 - 爬文睇返黎，因為廚房紙巾比較柔軔，用黎抹下體比較吸水和不易穿破，對個傷口好啲。(後記：呢個真係超級有用，我到而家處理惡露都仲用緊，抹落去夠輕柔、又唔穿、又易吸水，真係超掂，不過各位東區醫院的媽媽，千萬不要丟去廁所沖，沖唔走，掉垃圾筒)

濕紙巾 - BB和媽媽都用得著，BB要抹屁屁、媽媽要抹走乳房上的汗水，等BB唔好食埋啲汗水同老泥

火酒 - 餵奶前抹下個乳房，乾淨啲好

收腹帶 - 為著美麗的身型和減少子宮復位的痛楚，要帶埋去紮肚

毛巾 - 萬一真係忍唔住要沖涼洗頭，又或者入院第一時間未生得都要沖涼時用 (後記：醫院要求產婦用花灑沖洗陰部，所以要有毛巾抹乾返下肢)

奶泵 - 爬文睇返黎，我覺得可帶可唔帶，我會帶SILCONE BREAST PUMP，因為第一、二日我地未識得點教BB啜奶，可以試泵奶。

咁樣執執埋埋都一大袋，誇左啲，最後我自己日常用品好多都冇用到，主要因為真係太累了，同埋要不停照顧BB，唔得閒打理自己了﹗

另外有啲物資要加碼，包括床墊，果十片BB未出世已經用左八片，所以要再買黎；產婦衛生巾，一共用左三包，網褲用左3條；廁房紙巾，用左1卷；仲有大保溫壺，東區醫院唔會為產婦提供滾水，只有偏熱的溫水和冷水瓶，如果要沖炒米茶和飲熱水，請自備保溫瓶，可以朝早請姐姐入一瓶熱水，下午請家人去CANTEEN 入一瓶滾水，咁就夠一日飲了。

仲有大家可以考慮拎埋充電尿袋，因為醫院見到病人用插頭會阻止，有個尿袋就唔怕手機無電。

暫時係咁多先。

今日唔知發生咩事，十點去到全院滿座，想搵個位坐下都冇。

母乳保溫袋功能測試

件事係咁的。

因為公司個雪櫃由開幕到而家15年都冇換過，而家下格已經係去到十五度咁上下的溫度，加上我地六十幾個同事日日又開又關，個雪櫃比起開冷氣更熱，即係同冇冇分別。

而家倘算可以運作到的係冰箱部分，而且都係放滿立立雜雜的東西，食得唔食得都有，所以我決定要自備保溫袋/保溫箱黎貯放我將來的母乳。

所謂香港地少人多，我個位都只係得一個位咁大把，放個大約10L 左右的保溫箱都好迫了，加上保溫箱比較大，最後朋友比左一個大約15L左右的保溫袋我，我就試一試喺呢個炎熱的夏季可以捱唔捱到放工。

材料：保溫袋、冰種350ML 3個、3個奶樽的水

方法：中午12時，一個已結冰冰種打橫墊底、兩個ZIP喺奶樽旁

溫度

晚上九時打開，量奶樽水溫，最底部3.4度、中部6.3度，搖晃後平均7-9度。

袋內空氣16.9度

隔左5分鐘，奶樽水迅速升到10-15度。

溫

第二日再試，情況類似，我再模擬由袋中拿出來，換另一個保溫袋(平時買雪糕果種冰袋)，再加輕便12蚊店啫喱冰包，隔左3小時，仲KEEP到12-16度。

今次實驗係成功O既，其實唔應該打開換袋，但係個15L保溫袋背住回家唔多方便，因為放工已有個手袋，仲要帶揹帶咩BB回家，仲有個保溫袋，仲要去買餸，咁樣真係好輪盡好唔方便。

所以要換個輕便袋，而家發現是成功的，咁就可以安心用了。

自制的dry shampoo

話說人人都話生左Bb 之後唔可以洗頭沖涼，不過我習慣左每日洗頭，唔洗個頭真係又油又臭又生頭皮。

前幾年個頭做左個小手術，因為縫左八針，所以成個星期都唔可以洗頭。當時買左babybliss 的乾洗噴霧，用左兩次已經冇用了。主要棄用的原因是太化學同埋用完頭髮容易打結。

今次又黎一獲冇得洗頭，諗起都頭痕，上網搵左好多資料，最後整左呢個dry shampoo。

主要成分係葛粉。原來香港想買到葛粉都幾困難，連烘焙店都未必有，最後都係去外國網站買。其餘材料有朱古力粉用黎調色，梳打粉除味。

Mix 好之後用手指撒落頭髮或用碎粉掃掃上髮根，等一陣就再梳走啲粉末。

我喺一個夜歸又炎熱嘅晚上試用左，幾掂。頭髮上嘅汗一掃而空，頭油就要等3至5分鐘吸附。

我會喺產後用，因為會自己照顧bb ，用左可以清理一啲頭髮上的污糟同塵，加上用啲材料都係食用材料，bb 掂到食到都唔怕有害。

終於有機會學人寫下空瓶記，今日嘅主角係bio oil 百洛油。

近來多左同一啲已經有小bb的朋友聚會，主要因為要交收啲bb用品。

大家講黎講去又係講緊坐月的問題，大部分都會問「你阿媽黎唔黎同你坐月？」「你奶奶黎唔黎同你坐月？」「你有冇請陪月呀？」。

聽呢個問題聽到我都煩晒，我解釋左無數咁多次，我真係覺得有個人喺度，我仲覺得煩。

大家會講：

- 你自己攪唔掂架﹗

- 你會好攰好虛弱，你做唔到咁多架﹗

- 咁你都要食嘢、阿b都要餵奶換片

下刪一千一百萬字。。。

但係，其實，我都唔知係我怪異，定係會有其他媽媽都會好似我咁，唔喜歡屋企有其他人。

可能性格問題，或者我真係獨家村，我真心唔接受有其他人喺我屋企，尤其果個係女人，或者係長輩。

之後就會有人話，咁請個陪月啦，受薪，冇咁多聲氣，你可以叫佢做嘢。

但係，有一個陌生人，喺你屋企裡面，攪你個b、攪你餐飯、攪晒你全屋的水電煤，乜你覺得仲可以休息嗎？

有個朋友上黎坐，你都招呼佢飲杯水。有個朋友喺你屋企，都會拎你屋企啲小搬設黎睇下啦。

何況係個陪月阿姑？﹗佢總會打開你個廚櫃拎你啲餐具廚具黎用，因為佢真係要煮野。

佢會開大你個水喉洗野，因為佢真係要洗野。

佢會開大個火煲嘢，因為佢真係要煲嘢。

佢會去街市同你買貴餸，因為你真係要食好野。

雖然佢一切都為你好，但係呢種行徑係我最害怕，因為呢啲都唔係我一貫的生活習慣。當有一個人可能會咁做，我諗到都覺得restless，何況仲話可以休息訓下。

如果一個唔好彩，請左個嘮嘮叨叨的阿姑黎做陪月，黎到話你呢度唔啱果度唔得，我真係多得你唔少。

一諗到有人喺到吟吟尋尋，我覺得我精神疲勞比起身體的疲勞更大，

而且，呢位陪月員仲係受薪，即係貼錢買難受，

點解仲要我咁做喎﹗

認真玩嘢﹗

話說啲BB喺初期大得好迅速，咁慳儉的我，當然喺朋友群中收集BB衣服，都收集到二、三十件，又衫又褲又毛巾又被仔，全部都細細件，所以我一口氣掉晒去洗衣機洗左佢。

之前得意洋洋地買左十隻衣架比BB，以為少少地用住先，點知，真係太少。

我唯有用埋我地啲大人衣架，一個衣架掠兩件，再用晒全屋所有衣夾，同啲BB褲浪果啲小啪鈕，好似倒掛金鈎咁掛住啲BB衫。

睇到都覺得自己神乎其技，不論空間使用或是物資使用都一流﹗

BY THE WAY，BB 啲衫仔真係好難摺，呢埋衫乾左之後，我點樣都摺唔靚佢，尤其係每個牌子啲SIZE都不同，有啲係0-3M、有啲0-6M，有啲因為朋友比，混合晒咩SIZE都有，又有啲已經CUT左牌，攪左半個鐘都攪唔掂。真係頭痕。

晨咁早又出發去呼子，在汽車總站乘坐巴士到呼子，票價單程750yen，沒有round trip。

到達呼子唯一目的就係食魷魚，首先我地買左tourist pass 500yen，可以兩日內任搭呼子嘅showa taxi，無限次到訪呼子的景區。如果搭單程就200yen 一位，對我地睇幾個景點黎講，都係tourist pass 較划算。因為下班車11時先有，我地立即走去參觀呼子朝市，朝市開到中午12時，不過有買趁早，如果唔係自己心儀嘅貨品賣晒就冇。



我地行左一轉，試食左好多烤魚同埋魷魚醬，都幾鮮味，但因要煮，帶唔到返香港喇。然後行行下，見到有手喺街食海膽，有一檔有幾個年青人都幫襯，所以我地都湧埋去睇下。得幸運，我地食到最後兩隻海膽，200yen。我本人不吃海膽，咪咪話個海膽都鮮甜和有海水味，200yen兩個，超抵啊。



食完海膽都趕唔切食其他魷魚食品了，11時快到，馬上回到車站坐taxi 往博物館。這個像城堡的地方，可見是一個遺址，有不少人在休閒野餐，孩子在奔跑等。基本上是一個很休閒的地方，可以鳥瞰到呼子港的景色，但博物館及到處都沒什麼中英文介紹，所以對這個地方沒什麼感覺。

離開博物館，趕上taxi 返回呼子，吃了幾片魚餅，又再往呼子另一端，參觀可看見風的公園。到達公園後，我們登上一個小屋，裡面介紹了呼子利用風力和很大風的事，然後有一個在外圍的觀景台，一座風車，無敵海景，完。



我們嘗試發掘是不是有其他參觀的地方，不過真的假不了，真的是看風景、風車就是了。本來是沒所謂的，因坐車來，一點也不吃力，但因為真的很大風，冷得要命，所以也挺生氣(主因是我對看海景沒什麼興趣)。看完風後，我們又回到呼子，到附近的100yen 店，買了一支強力膠水，打算貼好我鞋快要脫落的鞋底。

再回到唐津已經很累，這次鎖定目標要吃超市的刺身和牛肉火鍋。兩個人買了3424yen的食材，回到酒店大吃大喝一番。撐到不行了，在酒店附近看看星星，一晚過去，晚安。

今日比之前早起，因為今日終於天晴。早餐都係繼續食脆包和飲牛奶，然後就行路去西公園。西公園喺我地住嘅地方附近，係一個休閒公園。喺公司入口有不同賣熟食和玩遊戲的攤檔，而門外亦有數株開始開花的櫻花。



西公園的感覺很Relax ，就像有種溜狗和野餐的感覺。園內盛開的櫻花不多，顏色較白，但遊人也不少。臨近中午的時間，已經漸漸有人在園內野餐，感覺得寫意。但我們要出發到唐津城，所以也是時間離開了。在園外又經過一間Lawson 便利店，在裡面有雞肉串燒117yen ，買左串邊行邊食。跟住落黎我地就去西公園附近一間叫博多一本舍食拉麵同埋沾麵。拉麵係店舖推薦食品790yen加替玉150yen，而沾麵就係人氣食品900yen。拉麵湯底有薑味，湯味較濃，配特辣感菜，好惹味；沾麵的湯係深啡色，仲陶碗裝住，食時要自行加熱(桌上有電爐)，麵條較粗，抓湯力強勁，湯更濃更美味。



離開博多一本舍後，我地返酒店取回行李，然後出發至唐津。我地乘坐JR 到達唐津，然後立即放下行李，前往唐津城。往唐津城沿途風景很好，但唐津城郤令人大失所望，因為它正在復修呢！它在半開放的狀態，现場的樱花基本上沒在開花，所以只是隨便走走便算。+








離開唐津城，我們又開始找晚餐吃了。原本想吃竹屋鳗魚飯，但價錢太貴了，四片鰻魚的定食要2620yen，所以我們没吃。然後又找找燒墨魚丸和漢堡，都關店了，而當時是下午5時15分。有些失望，然後一連串遇到的店不是沒開門就是沒有英文或中文菜牌，所以我們徹底是沒飯吃了。

不過好在路口還有吉野家，這家平日在香港也不願吃的牛肉飯，突然變得美味又經濟實惠。由於有推廣優惠減價80yen，我地點左特盛牛肉飯600yen，同鮭魚牛肉定食500yen。呢度有個好處，就係用QR code可以睇到中英文版嘅菜單，但吉野家一向菜單都係有圖，所以手指指就可以。



食晒碗飯再飲三杯熱茶，不滿足嘅我都仲係好想找嘢食。我地返回附近嘅商場，喺超市見到半價刺身，當時都係6：15左右，所以我地都買左一啲返去酒店食。嘩，三點刺身每款四件半價後只係290yen，而質素都好好，好味過一般在香港的日本料理嘅刺身。

食埋呢個就真係滿足了，在酒店梳洗一下就睡了，晚安。

原定去大濠公園賞櫻，去到公園門口只可觀雨，都係返去先啦。

我地食左啲野餐麵包同牛奶，然後徒步行去天神。中途左hea 又hea，hea到去長濱鮮魚市場。魚市場有一座商用樓宇，樓下有堆餐廳，我地就走左入一間(唔知咩名)度，因為真係好多打工仔幫襯，唔好執輸。

入到去原來佢冇中英文Menu，當我地好努力咁Google translate時，隔離位兩位中年香港夫婦終於出聲。佢地話有張英文翻譯可以比食客自行翻譯。不過我地聽完佢地分享之後，決定跟佢地食。我地點左1620yen 嘅刺身飯定食同埋870yen天婦羅定食，而好出名嘅新鮮煮鯛魚我地就冇食嚕，因為我地唔識吐魚骨。刺身飯有嘅刺身包括三文魚兩件、吞拿魚兩件、熟蝦一隻、鯛魚兩件、魷魚一件和埋一片海膽，人生第一次食咁好食最新鮮嘅刺身飯，真係好驚喜。另外天婦羅就有兩件炸、兩件炸蝦、一件尖椒、一件茄子同埋一件蕃薯。魚天婦羅從未食過，好鮮味，係油性魚黎，但唔肯定係咩魚，而隻蝦係新鮮蝦黎，唔係食日本放題果啲急凍蝦，真係好吃到流淚。呢度餸嘅份量ok，但係如果多啲飯就更飽啦，但味道一流。



呢個天婦羅啲魚同蝦係有鮮味架﹗唔係我地平時放果啲急凍蝦﹗


大大話剩係食呢粒海膽都值回票價

食完午餐大約1：30， 我地冒雨步行去天神駅，目標係去天神地下街同一帶嘅商場。距離aeon 仲有一條馬路之隔，我地比一間好西洋嘅麵包店吸引左，重點係間店好靚，仲有款麵包都可以試食，我地衝左入去食包。呢度啲大舊麵包大約四十蚊港幣左右啦，我地最後揀左袋朱古力合桃脆包，盛惠500yen。一路行一路食，我地就咁就行左aeon 同相連嘅兩個商場，仲喺超市買左啲熟食做晚餐。食飽後方發現未去天神地下街，所以又急急忙忙走去。

天神地下街係一個賣潮流服飾嘅地方，一件衫大約3000yen左右，但我地到達嘅時間太晏了，大部分店都關門了。地下街有一間芝士撻店，即係我地sogo排長龍果間，一個撻216yen，平香港幾蚊架，即食。食到滯埋之後，我地再去唯一仲未關門parco 商場下嘅餐廳睇下有咩食。呢度係潮食集中地，而家價錢豐儉尤人，所以一定搵到啱心水嘅嘢食。睇完一輪，我地都攰了，所以打道回府，晚安。