close
今日唔知發生咩事，十點去到全院滿座，想搵個位坐下都冇。
平時黎到大約半個小時走得，今日等左一個鐘，前面仲有三十幾人未睇，真係oh my god！
上星期五又去Staff clinic 睇驗血報告，仲係有輕微貧血，幾乎比醫生的左我去急症。我都覺得奇怪，我同醫生講，近來都仲有頭暈、氣喘、乏力的情況，不過之前健康院啲姑娘話好正常，個bb 會扯左啲血同能量，所以冇乜嘢，休息下就得。
醫生一路聽又冇理我不停打字，我仲以為佢覺得我吹水，點知，原來佢打緊封轉介信，要我立即去急症。
醫生話我已經有鉄丸食，冇可能補唔返，所以懷疑我身體有問題。不過，事實係，我好少食足分量，所以，我今日決定要問下健康院姑娘。
等到12點，終於有得見到姑娘，姑娘睇住我份REFERRAL，就話冇乜特別，好多孕婦都有呢個情況，應該冇乜所謂，然後，佢話，你都係出去坐下，醫生一陣見你。
見到醫生，醫生問，你果日睇果個醫生好後生架？佢冇常識架咩？佢唔知大肚婆係會唔夠血架咩？你繼續食啲補充品就得架啦﹗最多食多兩舊牛肉囉﹗唔會有事架﹗
聽見醫生咁講，我真係放心晒，因為少少貧血係唔會影響生產。
不過，第二件PK的事發生了﹗姑娘話我中左B鏈﹗
雖然佢立即安慰我話好多女人都有感染B鏈，係冇唔舒服、冇病癥，但係就要喺生得果時同醫生講中左B鏈，醫生要打抗生素黎預防BB 感染。
呢層我就有啲擔心，因為我本身有藥物敏感，佢打呢隻抗生素唔知我受唔受得，當時我呆左唔識得問清楚姑娘，下次覆診要再問。
文章標籤
全站熱搜
留言列表
